Tekjur Origo jukust um 15% og EBITDA félagsins nam 1.245 mkr, sem er aukning frá fyrra ári. Mikill afkomubati var á notendalausnasviði félagsins og vel tókst til að halda góðri afkomu á hugbúnaðarsviðum þess. Afkoma af rekstrarþjónustu er viðunandi miðað við breytingar í umhverfinu en aukin stærðarhagkvæmni er nauðsynleg til að bæta afkomu af slíkri þjónustu. Miklar breytingar á ferðaiðnaði höfðu áhrif á arðsemi Origo framan af ári 2020.

Hluti af hugbúnaðarsviðum félagsins stóð frammi fyrir miklum áskorunum í upphafi árs þegar tekjur frá ferðaiðnaði drógust verulega saman, en Origo hafði unnið að nokkrum nýsköpunarverkefnum í stafrænum ferðalausnum. Félagið tók þá ákvörðun að halda áfram að fjárfesta í ferðavörum og vera tilbúið þegar ferðaiðnaðurinn tekur við sér að nýju en starfsmenn færðust einnig yfir í verkefni þar sem meiri eftirspurn var eins og í heilbrigðislausnum og verkefnum tengdum stafrænum umbreytingum. Þannig tókst félaginu að snúa þeim rekstri við á seinni helming ársins.

Fjórði ársfjórðungur hjá hugbúnaðarsviðum var góður rekstrarlega, mikil eftirspurn var eftir sérþróun og ráðgjöf og ágætur vöxtur í áskriftartekjum af. Enn er þó takmörkuð eftirspurn eftir þjónustu fyrir aðila í ákveðnum greinum eins og ferðaþjónustunni og flugrekstri takmörkuð.

Viðskiptalausnasvið Origo gekk vel á fjórða ársfjórðungi og góður tekjuvöxtur í starfseminni, en aukin tekjudreifing er meðal viðskiptavina og atvinnugreina. 

Meðal verkefna má nefna gangsetningu á SAP S/4HANA hjá VÍS og sala á sömu lausn til Samskip, sem mun innleiða kerfið 2021. 

Í kjölfar vöruþróunar á árinu voru góðar sölur voru í viðbótarlausnum Origo fyrir SAP kerfi, svo sem bankatengingum og rafrænum skjölum og sjálfvirkni. Kjarni mannauðs og launakerfi hélt áfram að styrkjast þar sem núverandi viðskiptavinir bæta við sig virkni og nýir viðskiptavinir bætast við hópinn.

Góðar sölur vöru í lok árs á sviði MS Business Central og góður gangur í þróun Origo viðbótarlausna sem ætlaður er fyrir Microsoft markaðstorgið. 

Tekjur af hugbúnaðarsölu og hugbúnaðaráskrift eru nú yfir 40% af tekjum sviðsins og stefnt á að stækka það hlutfall, þó vöxtur á sölu ráðgjafatíma verði enn til staðar. 

Áhersla síðustu ára á rannsóknir og þróun hefur skilað sér í  jafnari afkomu og vaxtamöguleikum. Á sviði vöruþróunar er nú aukin áhersla á lausnir sem selja má á alþjóðlegum mörkuðum. 

Í byrjun sumars var SAP innlánakerfi gangsett hjá SBAB bankanum í Svíþjóð með rúmlega 400.000 innlánareikninga. Samhliða því var Origo greiðslumiðlunarlausn tekin í notkun.

Í lok september var skrifað undir samning sem snýr að áframhaldandi innleiðingu á SAP. Bæði Landshypotek og SBAB hafa vaxið í rekstrarþjónustu hjá Applicon og tækifæri til að útvíkka það samstarf enn frekar. 

Undir lok ársfjórðungs staðfesti Landhypotek bankinn í Svíþjóð kaup á SAP S/4HANA viðskiptahugbúnaði. Þá er unnið að áhugaverðum nýjungum í netbankalausn bankans, sem kemur frá Origo. Þessi viðskipti undirstrika ánægju bankans með SAP bankakerfin og samstarfið við Applicon, dótturfélag Origo í Svíþjóð.

lykilþættir í starfsemi:

• Góð eftirspurn í SAP og Business Central.
• Tekjur af hugbúnaðarsölu og áskriftum er nú yfir 40% af heildartekjum viðskiptatengdra lausna.
• Victoria Sundberg, nýr forstjóri tekin við hjá Applicon. Áhersla er lögð á tekjuvöxt.
• Origo eina íslenska fyrirtækið sem eru útnefnt til samstarfsverðlauna Microsoft 2021 fyrir Bankamiðju en lausnin einfaldar samskipti milli viðskiptakerfa og bankaþjónustu.
• Yfir 20 starfsmenn í hugbúnaðarþróun í Serbíu.
• Aðgangur að þekkingu sem skortur er á hérlendis.
• Vaxandi eftirspurn eftir ráðgjöf við innleiðingu stærri og flóknari umbreytingaverkefna hérlendis.
• Höldum áfram uppbyggingu í kringum mannauðs- og launakerfi Kjarna sem og fókus á SAP fyrir mannfrekari fyrirtæki. ​

Skilyrði fyrir sölu á notendabúnaði voru hagfelld á árinu og skilaði það, ásamt breyttum áherslum í rekstri, mjög viðunandi arðsemi á því sviði.

Töluverð áskorun fólst í að tryggja búnað til viðskiptavina vegna vöruskorts á heimsvísu en þekking og sterk sambönd við samstarfsaðila gerðu gæfumunn.

Söluaukning notendabúnaðar er rúm 20%, annað árið í röð. Flutningur sölu frá hefðbundinni verslun yfir á netið hefur skilað 152% veltuaukningu netverslana Origo samhliða því að fjárfesting félagsins í Tölvutek á sl. ári, og mikil þekking á hljóð- og myndlausnum skilar Origo góðum árangri.

Lykilþættir í sölu á notendabúnaði

• Eldri birgðir lækkuðu mikið og voru undir 5% af birgðaverðmætum.
• Rekstur Tölvuteks (dótturfélags Origo) styrkti samkeppnisstöðu Origo.
• Netverslun jókst um 152% og er nú um 35% af veltu sviðsins.
• Áframhaldandi uppbygging á fjarvinnulausnum fyrirtækja.
• Netverslun auðveldar fyrirtækjum að ná sér í betri kjör og aukna þjónustu.
• Aukinn áhugi á búnaði tengdum þjónustu og stafrænni aðgreiningu ásamt stafrænum hillumiðum.
• Það sama má segja um biðraðakerfi, snjallbox og sjálfsafgreiðslukerfi.

Tempo, hlutdeildarfélag Origo, hefur átt ágætt ár. Það er að einhverju leyti litað af Covid 19 en einnig af breytingum er stuðla að því að geta sett félagið í næsta vaxtarfasa.

Viðskiptavinir félagsins nema nú rúmlega 20.000 fyrirtæki og undirliggjandi er góð veltaukning í áskriftartekjum og skýr áhersla á áframhaldandi tilfærslu úr miðlægum umhverfum í skýjalausn.

• 18% tekjuvöxtur og 24% EBITDA hjá Tempo, hlutdeildarfélagi Origo. 
• Áskriftartekjur jukust um 37% á árinu.
• Áhrif á tekjur töluverð vegna áherslna á flutninga frá miðlægum lausnum yfir í skýjalausnir.
• 20.000 fyrirtæki nota Tempo.
• Sterk fjárhagsstaða og félagið undirbúið í frekari vöxt.
• Alþjóðavæðing á vörum félagsins í fullum gangi.
• Nýja varan Cost Tracker kemur vel út.
• Samsetning á nýju teymi gengur vel og klárast á fyrsta ársfjórðungi 2021.
• Áframhaldandi skoðun á kauptækifærum til að efla vöruframboð og aðgengi að nýjum mörkuðum