Forstjóri

Jón Björnsson

Jón Björnsson er forstjóri Origo en hann hóf störf í ágúst 2020.

Jón hefur víðtæka reynslu af fyrirtækjarekstri og umbreytingarverkefnum bæði á Íslandi og í Skandinavíu. Jón gegndi síðast starfi forstjóra Festi og Krónunnar frá 2014 en hefur áður gegnt forstjórastarfi bæði hjá Magasin du Nord og Högum frá 2002. Jón situr m.a. í stjórnum Boozt.com og Klappa Grænna lausna.

Jón er menntaður viðskiptafræðingur frá Rider University, New Jersey.

Framkvæmdastjóri

Dröfn Guðmundsdóttir

Dröfn Guðmundsdóttir er mannauðsstjóri félagsins, en hún hóf störf hjá Nýherja í febrúar 2013.

Dröfn hefur mikla reynslu á vettvangi mannauðsmála. Hún starfaði sem fræðslustjóri hjá Leikskólum Reykjavíkur og síðan sem mannauðsráðgjafi á Menntasviði Reykjavíkurborgar eftir sameiningu leik- og grunnskólamála frá 2003-2007, sem mannauðsráðgjafi hjá Straumi fjárfestingabanka frá 2007-2009, fræðslustjóri Arion banka frá 2009-2011 og starfaði sem mannauðsstjóri hjá Fjármálaeftirlitinu 2012-2013.

Dröfn lauk B.A.-prófi í sálfræði frá Háskóla Íslands og framhaldsnámi í sálfræði með áherslu á vinnu- og skipulagssálfræði frá Háskólanum í Giessen í Þýskalandi.

Framkvæmdastjóri

Gunnar Zoëga

Framkvæmdastjóri

Gunnar Petersen

Gunnar Petersen er framkvæmdastjóri Fjármálasviðs.

Gunnar var fjármálastjóri Iceland Express hf. 2011-2012 og fjármálastjóri Landic Property hf. frá 2006 til 2010. Áður hafði Gunnar starfað sem viðskiptastjóri og sérfræðingur hjá HSH Nordbank í Kaupmannahöfn, Verðbréfastofunni hf. og Sparisjóðabanka Íslands hf.

Gunnar er viðskiptafræðingur frá Háskóla Íslands, með M.Sc.-gráðu í fjármálum fyrirtækja frá Háskólanum í Reykjavík og er löggiltur verðbréfamiðlari.

Framkvæmdastjóri

Hákon Sigurhansson

Hákon Sigurhansson er framkvæmdastjóri Hugbúnaðarlausna. Hann hefur starfað hjá félaginu frá byrjun árs 2008, fyrst sem framkvæmdastjóri EMR heilbrigðislausna og síðar sem forstöðumaður Heilbrigðislausnasviðs TM Software. Áður starfaði Hákon meðal annars sem sjálfstæður ráðgjafi, stýrði sölu- og vörustjórnunarsviði og síðar þróunarsviði Trackwell Software og var yfirmaður upplýsingatæknimála dómsmálaráðuneytisins. Hákon er með MBA-próf frá ESCP viðskiptaháskólanum í París og MSc-gráðu í rafeindaverkfræði frá Háskólanum í Álaborg.

Framkvæmdastjóri

Ingimar G. Bjarnason

Ingimar G. Bjarnason er framkvæmdastjóri Viðskiptalausna. Áður var Ingimar framkvæmdastjóri Applicon á Íslandi frá 2008. Ingimar hóf störf á hugbúnaðarsviði Nýherja hf. í febrúarmánuði 1998 og starfaði þar og síðan hjá Applicon ehf. fram til ágústmánaðar 2006. Þá tók Ingimar við sem framkvæmdastjóri Applicon Solutions Ltd. í Bretlandi.

Ingimar lauk prófi í véla- og iðnaðarverkfræði frá Háskóla Íslands árið 1996 og síðan MBA-prófi frá IESE Viðskipta-háskólanum í Barcelóna 2003.

Framkvæmdastjóri

Örn Þór Alfreðsson

Örn Þór Alfreðsson er framkvæmdastjóri Þjónustulausna.

Örn er viðskiptafræðingur frá Háskólanum í Reykjavík og er með víðtæka reynslu af stjórnun og rekstri í upplýsingatækni. Hann starfaði lengi sem framkvæmdastjóri hjá EJS og síðar hjá Advania þar sem hann var ábyrgur fyrir sölu og samræmingu markaðsmála fyrirtækisins.

Nú síðast starfaði Örn Þór sem framkvæmdastjóri Glerverksmiðjunnar Samverk. Örn situr einnig í stjórn rekstrarfélagsins Virðingar.